لمحة عن التاريخ من دخول الاسلام الي المقاومة الوطنية
كلمات الشاعر محمد ولد سيدلوت

 

دخول الاسلام لبلادنا هون             فا للي امحقين كتاب وحديــن

فا النص لخير فا فضل القرون         يغير ما تم يكون بعد يــــــــن

فمنين اداغست فات بتنات              بسباب لمنا هل اللي اوطرات

فطريك لقوافل اوجاودعا ة             فلقرن الثالث اهناو سنيـــــــن

وامع اول القرن الرابع اكرات         شنقيط وادينت عا دت تسعين

فلمية كا بظة الدين واهنات             شنقيط سنين من دون تعيين

رئيس وامنين لركان نحمـــــــــات           فالساحل امجي المرابطيـــــن

فواسط القرن الخا مس اقــــــوات         عقيدة ابلادن ابول ياسيـــــن

وامنين في القرن الثامن اطــــرات       فالشرك تنبكت جامع بيــــــن

لمغارب اوتونس او مصر وتوات             اوليبيا اوكون فم تكويـــــــــن

وادخل فم سكــــــــــــــــان ولات               ودان تيشيت مهاجرييـــــــن

اتفوق عاد فم قضــــــــــــــــــاة               والفتوي بيد هم دون لخرين

واظهر فالساحل الغوث نــــواة               لقطاب داروكت المحسنـــين

هذاك نزيل فصك اوقـــــــــوات               طريقت فين جانب الدين

واخبار جها د عند ثقـــــــــات               مدونة شاعت بين البحرين

وتفوقت عاكب ذاك مـــــــرات              شنقيط فالعلم والشعر لثنين

وفذ ي القرون شنقيط مــاتات             فجميع لبلاد تحتاج تبيين

يكون ان  الشيخ لكبير ظوات             عقيدة كيف طريقت بين

شعوب شنقيط سنين واعطات             سنين ا دخل الظو لخرين

  

وامصدر اشياخ كراو جهــات           واعرف اسلافن المونسيين

دخول الاسلام ...................

 

وامنين  فلقرن الرابع اكيد              بعد الف ادخل هون بلكـــــيد

لعداي باسباب قتال عنيد             فولاد شنقيط فركاهم اسنيــــــن

جرجاو كدامهم صناديد                فطراف ذ الارض مقاوميـــــن

ماعندهم قائد الا التوحيد             وساهم اقاتل ابلا اتخاويــــــــن

هذوك من بينهم قطب فريد          شجاع مقدام مطاع قمــــــــــين

بالذكر والشكر وبكل تخليد         وبكل رثاي وبكل تأبيـــــــــــــــن

محمد المخطار سيد من سيد       مقروس من سيد واسياد وحد ين

سلالت الحامد اوذا الرشيد        عند ين من ذاك متلاو وذنيـــــن

قاومهم ابعد كانت افليد            ارصاصه مايوصل الكليــــــــــن

وامنين كبظول قوت احديد       ثقيل ادمر الشايف العيـــــــــــــن

اشتق من ذاك تدمير شديد       فديار ذا القصر واجروح شينين

فالناس والمنه مات شهيد        والكافر ادخل بالحقد لمتيــــن

واطم فساد اخبيط لمسيد          والخيل لحراير اهل اتزينيـــن

واحريك لكتوب لكبار عديد       من نوع ثمين من خط ليدين

وانجا الزعيم وامرك لبليد        واظريك مدفون في الحرمين

بل البداية افعهد بعيد              بل انطلاقت المسلميــــــــن

دخول الاسلام لبلادن هون.........

 

 

كلمات الاديب : محمدن ولد سيد لوت                    

 مومايت الواكدي